Sentitzen al duzu batzuetan zure familia-rola harrian idatzita dagoela? Peoia zarela, beti borrokan. Dorre mugiezina, edo Alfila, norabide bakarrean mugitzen dena?
Gaur, familia taula den eta zuetako bakoitza mugimendu bakarra duen pieza den espazio batera gonbidatzen zaitugu.
Meditazio gidatu honetan, ez dago irabazle edo galtzailerik. Familiako kide guztiak, zu barne, posizio estrategiko batean kokatuko ditugu, errege, erregina, zaldun edo peoi izatearen pisua eta helburua sentituz.
Rol horiek, eguneroko bizitzako jokoan duten posizio hori nola sentitzen diren aztertuko dugu. Baina, arreta, gure taulan, bizitza errealeko arauak nagusitzen zaizkie xakekoei: rolak ez dira estatikoak.
Barne-ikuspegi sakon honen bidez, gure barne piezak poliki-poliki mugituko ditugu, ikuspegia aldatzeko aukera emanez. Aurkituko dugu Pekoiak aurrera egin dezakeela erregina izatera, eta ehrregeak, batzuetan, pauso bakarra ematen ikasi behar duela.
Gaurko partidak ez du xake mate bat bilatzen. Tablak bilatzen ditugu. Berdinketa bat. Bakea ta elkarren onarpena lortzeko une bat, non irabazten den gauza bakarra elkar hobeto ezagutzeko ziurtasuna den, mugimenduak truka ditzakegula eta familiaren indarra bere malgutasunean datzala ulertzea. Presta zaitez begiak ixteko, arnasa hartzeko eta zure bihotzeko taulan piezak mugitzen diren soinu leuna entzuteko. Hasi dezagun meditazio hau.