'Hiru kortse, azukre asko eta brandy gehiegi' da Kamikaz Kolektiboak Donostiara ekarriko duen lana. Irailaren 25ean ikusteko aukera izango dugu, arratsaldeko 19:00etan Gazteszenan. Donostia Kultura Irratira Iraia Elias gonbidatu dugu.
Horrez gain, Lizar Begoña sopelarra da aurtengo Igartza Sariaren irabazlea. 'Itzalkinak eguzkitan' da aurkeztu zuen proiektua, eta Oihane Amantegik, Irati Jimenezek eta Garazi Kamiok bere testua aukeratu dute beste hamaikaren artean. Sariak (Elkarrek, CAFek eta Beasaingo Udalak ematen dutena) 6.000 euroko laguntza eta lana argitaratzeko konpromisoa suposatzen du.
Amaitzeko, Jon Gartziak egunero legez musika ekarri digu saioa amaitzeko, Kanta Katiluan.
Jantzi kaskoak eta adi!