Donostia Kulturak eta DK Irratiak X. “Hamaika entzuteko!” irrati-piezen lehiaketa antolatzen dute. Irrati-pieza labur eta originalen ekoizpena eta difusioa bultzatzea da lehiaketaren helburua. Gaia guztiz askea da eta edozein motatako irrati-piezak aurkeztu daizteke: irrati-fikzioa, irrati-kazetaritza, erreportajea, dibulgazioa…
Bost minutu baino gutxiago irauten duten audio-piezak aurkeztu behar dira. Onartutako hizkuntzak euskara eta gaztelania izango dira. Irrati-piezak E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera bidali behar dira.
Lanak bidaltzeko azken eguna 2024ko azaroaren 25a izango da. Audioak originala, ez-komertziala, irratian emititu gabea eta beste sariketetan saritu gabea izan behar du.
DK Irratiak lehiaketako parte hartzaileen zerbitzura jartzen ditu bere estudioak eta bestelako baliabideak, eta lehiaketara aurkezteko irrati-pieza bertan grabatzeko eta editatzeko aukera eskaintzen du. Dena dela, lehiaketan parte hartzeko ez da beharrezkoa DK Irratia erabiltzea; lehiakideen esku dago zein baliabide erabili irrati- piezak sortzeko.