Hamar urte daramatza Pablo Aguerok (1977, Mendoza -Argentina) 'Akelarre' pelikula egiten. Paris hiriko ekoizleekin hasi zen lanean, gero gidoiaren eskubideak erosi eta Euskal Herrira etortzeko. Hemen beste nortasun bat hartu du pelikulak zuzendariaren arabera. Pierre De Lancre epaile eta kronista ankerraren pasarte bat du oinarri pelikulak. Ipar Euskal Herrian gertatu zen sorgin ehiza. Zinemaldiko sail ofizialean lehiatuko da Akelarre eta guk zuzendaria Ispilu Beltzaren parera ekarri dugu.
Gainera Harri Fernandezekin jaialdiaren lehen eguna aletu dugu Rifkins Festival, Nuevo Orden eta Patria lanen inguruan solastuz.
Jarri kaskoak eta entzun!